Ah iara-ñi plândzi inima, di tini dor mi lo.
Ti caftu, tini vruta mea, ti caftu iuțido…
Antreb pi munțâi fuviroși, amarea ‘ntreb și-pi ea
S-ñi aspunâ iuti ascumseși, iu hii lea vruta mea.
Și-lilicili io li-antribaiu,
‘ntribaiu veardea pâduri
S-ñi-aspunâ iu hii vruta mea
Nu pots-aravdu, duri!
Câ și-alțâ vruta ma ti vor, aestâ nu-i țiva,
Câ dor mi lo di ochii-a tăi și-un dor di gura ta…
I-arcoari ghețu și-nu-am ți s-adar
Cu can nu-am s-azburăscu.
Inu’ tini vrută, ina-‘ua, ti pâlâcârsescu…
Trandafil albu s-țâ pitrecu, sâ-ñi tindzâ mâna ta,
La steali voi s-agiungu s-pot
Luțeafir sâ-ñi mi-adar…
S-nu-ñi mi-aștepțâ vruta mea
Câ nu-ari s-pot ta s-inu
Suflitlu lu-am ahânda, iñi plângu și-ñi suschir.
Trandafil albu s-țâ pitrecu, sâ-ñi tindzâ mâna ta,
La steali voi s-agiungu s-pot
Luțeafir sâ-ñi mi-adar…