Hei, hei tu munti striga
Musheata sarcaceana
Sh-caparli s-alina
Anarga-anarga ndzeana.
Niscanti ori aruca
Carliglu dupa eali
Sh-cantandalui li scoati
La treili fântâneali.
Fatsa iasti alba
Shi dultsi iasti grailu
I-aradi gura totna
Ma nostima ca Mailu.
Cand yini la muldzeari
Shi celnitsii uhteadza
Ma s-tinda mana varnu
Varoara nu cuteadza.
La stani picurarilli
Di ea tuts azburascu
Di-arusa sarcaceana
Cashearlli mash glarescu.
Ea mash cu puilli alghi
Sh-dizñiarda mushuteata
Nibasheata-i nica
Trandafilâ i fatsa.