– Gura ta, gura ta more lea featã,
Pari cã-i, pari cã-i cireashi coaptã.
– Gione nu, gione nu mutrea la mini,
Cã nj-easti, cã nj-easti-arshini di lumi.
– Ma s-nu vrei, ma s-nu vrei s-tsã iesu-n cali,
Featã dãnj, featã dãnj sh-unã bãsheari.
– Bãsheari, bãsheari gione nu-ts dao,
Cã nj-arshi …, cã nj-arshini di dunjiao.
– Ma s-nu vrei, ma s-nu vrei s-tsã iesu-n cali,
Spuni-nj fea …, spuni-nj featã, mi-ai tu vreari?
– Inima, inima-nj bati ti tini,
Cum s-tsã dzãcu, cum s-tsã dzãcu laia di mini.
– Armãnã, armãnã s-tsã dzãcu unu zboro,
Io cu ti…, io cu tini va-nj mi-ansoro.
– Noi doii, noi doii multu nã vremo,
Noi doii, noi doii gione a nã lomo.