Nu shtii, nu shtii, vruta mea
Cãt ã’ nj ti’ arisescu
Canda hiu, lilicea mea
Tsearã shi’ mi tukescu
Mintea mea la tini iasti
Cãndu hii alargu
Shtiu cã nu hii lãngã mini
Ma tutu ã’ nj ti caftu
Shtiu cã tini mi’ nghisedzã
Vrutã cãndu dornj
Shi’ tutu ashteptsã oara s’ yinã
La mini s’ ti tornj
Kikuti di ploaii, vrutã
Bati a mea geami
Shi ma cu silã inima’ nj
Bati di a ta vreari
Ea shi sihatea tutu ma bati
Bati tica, tica
Io la tini minduiescu
Cã nu’ nj vinishi nica
Mas sã shtii lea vruta mea
Cãt ã’ nj ti’ arisescu
Shi pãn’ la steali mas ti’ alinj
Tutu va ti’ arãkescu
Pitricui un pilister
La tini la geami
T’ as tsã spunã, vruta mea
Cãt ã’ nj ti’ am tu vreari
Pilisterlu si turnã
Pi a tserlui cali
Di la tini el nj’ adusi
Un cãntic di vreari
Cãnticlu io lu’ nvitsai
Cu iholu’ i sãntu
Anda doii va nã luãm
Atumtsea va’ l cãntu