Armanami oamini vruti
Io va voi armani pi tuti,voi armani
Di una eta him armani
Dit papani si stripapani,voi armani
Musati hoari avura armanii
M-a li asparsiri paganii,voi armani
Musata hoara Gramustea
U-asparsi Ai-Pasa,voi armani
Moscopolea hoari-avdzata
Tora iasti si ea chiruta,voi armani
Linâtopea u chirurâ
Pit lipida u tricura,voi armani
Bachita tu Vargarie
Tsi s-avea armani cu nii,voi armani
Musata hoari s-asparsi
Na chiatri di ea nu-armasi,voi armani
Multu sedu mi minduiescu
Plangu nu potu s-danasescu,voi armani
S-asparsi a noasti hoari
Multu inima mi doari,voi armani
Doamne ca tse blastimasi
Hoarili padi li-adrasi,voi armani
Ca armanii tsi ts-au fapti
Di ahantu ei au trapti,voi armani