A noasta-i hoara atsea musheata
Sh-aproapea-i di maghuli
Di va si pari lucru ñic
Bagatsi-i voi casuri.
A noasta-i hoara hrisusita
Sh-avdzata tu dumani
Cu gioñi ca tserghi sh-cu barbats
Tsi deadira anami!
A noasta-i hoara ‘tsea cu feati
‘Msheati ca fluria
Ampaturats ta s-luats-nveasti
Tush di Ceamurlia!
A noasta-i hoara iu adetea
Ca ‘nveasta sheada-nproasta
Iu omnlu nica-l tiñiseashti
Ceamurlia-anoasta!
Tsiva nu shtits ma nu vidzut
Un cor tu armaname
Cu lali Dinca-li mai’ Lenca
Sh-cu-anostu lali Dame!