Tu taifa-al Palavoti, easti sârbâtoari
S-adunarâ soia, tuts cu njicu cu mari
S-adarâ majoratlu, ti Mihai a lor
Sâ-i oarâ mashi ghini, a vrutlui ficior
Silvia cu Naci, pârintsâi s-hârsescu
Hiilu criscu mari, sh-cu el si mârescu
Îi oarâ di ghini, a lui manâ sh-tati
Ta s-aibâ tu banâ, mashi tihi sh-ayapi
Dincă sh-Aurica, nunji tsi-lu pâtidzarâ
Gioacâ tora seara, al Mihai sâ-i oarâ
Sh-cându-as inâ-arada, ei va-lu ancurunâ
Daima ei va-lu veaghi, s-aibâ banâ bunâ
Buna maia Lena, sh-paplu-tău Mihai
Alt’tsiva nu caftâ, mashi vreari s-lâ dai
Gioacâ cu harauâ, câ s-armânji ti hari
Multu si hârsescu, criscu nipotlu mari
Buna maia Țața, multu si hârseasti
Cu Mihai nipotlu, tu lumi mâreashti
Sh-bunlu paplu Steryiu, cu harauâ mari
Gioacâ cu nipotlu, câ lu-ari tu vreari
Costi frățiorlu, ti ari tu vreari
La a tău majorat, fatsi gimbushi mari
Gioacâ lângâ tini, câ hits armânji cu hări
A tali verishoari, sh-a tăi verishori.
SoLupci 09.09.2021