Searâ ti anami, ‘msheatâ isuseari,
Tu soi di trâmbâ, tsi gimbushi mari.
Taifa-alu Arnăutu sh-cu taifa-alu Șamata
Tu aestâ searâ, îshi isusescu preachea.
George-armânu aleptu, cu Simona ‘msheata,
Azâ s-isusescu, bunâ s-lâ hibâ njiata.
Elu îmsheatu ca soari, ea ‘msheatâ ca steauâ,
Lâ urămu di ghini, sh-la marea harauâ!
Vascu Arnăutlu, easti socru mari,
Anvârteashti caplu, cu multâ ihtibari.
Câ-i armânu di trâmbâ, bunu cum nu s-aspuni,
Elu cu a lui taifâ, s-mâreashti tu lumi.
Sirma, soacra mari, giocâ tinjisitâ,
Lângâ a ei George, sh-a lui isusitâ.
Lâ ureadzâ s-aibâ, tihi sh-ihtibari,
Vrearea lor s-agiungâ, ma înclo di steali.
Socru njicu ti-anami, Ghioghi alu Șamata,
Azâ cu miraki, îshi isuseahti feata.
Lângâ a lui Kety, soacra njica bunâ,
Giocâ shi s-hârsescu, doi dipriunâ.
Gramostea vâ cantâ, la-‘msheata isuseari,
S-avdi vazi multâ, cum nu-ari ahtari.
Muzicâ ti-amami, di un armânu adratâ,
Marca alu Alecu, marcâ înregistratâ.
Hazi:
Socrul njicu ti-anami, Ghioghi alu Șamata,
Azâ cu miraki, îshi isuseahti feata.
Mutreashti pi George, sâ-i veadâ urnechea,
Ma s-nu sheadâ ghini, va i-aspunâ tufekea.😆
Ma s-vrei tini-armâne, s-ti caftsâ di lângoari,
S-nedz la Nicu Cucli, cumnatlu ma mari.
Va ti itripseascâ, va tsâ da umuti,
Sh-pân s-agiundzâ-acasâ, va tsâ treacâ tuti.😆
Sh-ari isusitlu, unâ sorâ bunâ,
Iatrisa Elena, di mileti-armânâ.
Du-ti tini-armâne, du-ti ta s-u meshtsâ,
Sh-va tsâ da nâ hapcâ, ta s-nu arâtseshtsâ. 😆
Tini Porumbele, gioni liundar,
Tsâ urâm tu banâ, tini s-hii ambar.
S-nâ cântsâ cu vreari, cu-armonica pi keptu
Tsâ undzishi ca fentu, cântâtoru aleptu 😉
SoLupci 8.09.2021