Doamne, fă di-a mea cripari
Di malâmâ, apunti analtâ.
Și ditu lăcrâñi anvișteari
Di strozmâ hândoasâ și-caldâ.
Refren:
Și dit iți ‘ndezmâ zurlâ
Icâ ascâpitatu caimenu
Doamne fă nâ steauâ ñirlâ
Și sumarâsu dăñi, mintimenu…
Și dit kimatli neandreapti
Ñiari si facâ și-inu
Ditu pârjiñi, alumti-aleapti
Ditu surpări hrios, s-alinu.
Ditu fârmaclu ditu fil’geanâ
Fă ñiurizmi ți nu cheru.
Și ditu iți greauâ aranâ
Thimñiato stri-analtul țer.