Zboarâ: Gica Godi
https://youtu.be/m9WIrhGiYsE
Iu hiț voi, duruț’i-a mei
Bârni, bârni di fumei?
Car’ mutrescu tu nâpoi
Mi ia dorlu, dor di voi.
Muntili vâ iara frati
Arpa oi’lor iara crivati
Voi adraț di noapti-dzuâ
Hâbirseaț ș-ñiedzu ș-cuâ
Dor și jeali, vechi armâñi
Cafi dzuâ him ma psâñi
Tut s-amintâ cilimeañi
Și-tut ma psâñi him dupu añi
Lișor grailu nâ chirem
Vdzim di el ca di blâstem
Di isnafi n-arșunăm
Grai di dadâ n-alâsăm
‘Mșeata limbâ-u chindisim
A ei zboarâ li alâxim
Chirem doara di pâpâñi
Dor și jeali, vechi armâñi
Dor di-a voastâ urnimi’i
S-dânâsim laia urghi’i
S-lom mușeata-vâ urnechi
Și-volea voastâ ca cileki.