Tu dzâlili hrisusiti tsi’aducu dultsi hârseari
Noi pârcâsimu birbiljiu s’nâ cântâ mashi di vreari.
Tu casi-anda s’adarâ adeti vluyiusitâ
Nâ oarâ Hrista Lupci cu boatsea’lji mâyipsita.
Sh’ când’ geanlu easti aranâ mplin’ di’anvirinari
Crem s-cântâ Hrista Lupci unu cânticu di agârsheari.
Ama când’ plângu oclji cu lâcârnji duruti
Îlji grimu al Hrista Lupci s’n’ducâ elu imuti.
Tu-atseali-ardâz di ghini cu boatsea nâ hârseashti
Tu’arali elu nâ cântâ sh’tutu geanlu ayâliseashti.
Ti-atsea nâ deadi Domnulu nâmâzi, grai sh’umuti,
Sh’nâ deadi sh’unâ boatsi s’tritsemu arădzli tuti.
Al Lupci ilji grimu sh’tora cu ayapi sh’multâ vreari
Ta s’ll’aspunemu tu cânticu tinjia noastâ mari.
Mihaela Shutu Liuta – 2016