Azburashti lumea-n hoarâ,
Câ-s featsi multâ harauâ,
Unu armânu di soi-aleaptâ,
Andreapsi mari fuiyauâ…
S-adunarâ ta s-mutreascâ
Nâ pampori tsi s-aproachi
Ta sâ-lu veadâ Capitanlu
Cu tinjii sh-cu miraki…
Refren:
Capidane, sh-di sârbâtorí
Alargu hii, cu-a ta pampori…
‘Nveasta ti-asteaptâ sh-taifa aleaptâ,
A tǎi duruts, un fcioru sh-nâ featâ.
“Mutrits – Capidan Ciaturi,
Ini cu a lui pampori!
Elu di-amarea fuviroasâ
Nu s-aspari, nu-ari zori!”
Cum dipusi Capidanlu,
Lumea tutâ ii ureadzâ,
A lui taifâ s-u-aibâ ghini,
Unâ sutâ di-anji s-bâneadzâ…
C-ashi-i Sterghiulu, el mutreashti
Lucurlu shi calea ninti,
Elu di ‘nghios s-alinǎ-n dzeanâ
Câ-i armânu sh ‘i-mplinu di minti
Ia aminti tini-armâname:
Canâoarâ s-nu dzâts duri!
Cara s-vrei s-anâchiseshtsâ,
Mutrea – Capidan Ciaturi!
SoLupci 28.05.2024, ora 10