Searâ ti harauâ, giocu cum nu s-aspuni
Tu taifa alu Fudulia, s-fatsi pâtigiuni
Pârintsâi nâ grirâ, feata s-u pâteadzâ
Armâna Maria, azâ s-crishtineadzâ
Costin cu Elena, ei nâ câlisirâ
Pârintsâ ti hari, gimbushea ahurhirâ
Gioacâ cu harauâ, corlu armânescu
Pi fatsâ s-veadi vrearea, sh-ochii-anghilicescu
Carmen cu Claudiu, nunji cu mari dor
Gioacâ cu harauâ, lângâ fciorii-a lor
Fciorlu easti Lucas, Sandra easti feata
Multsâ anji s-bâneadza, bunâ s-lâ hibâ njiata
Tradzi paplu a-nostu, corlu armânescu
Lângâ maia Bocea sh-multu si hârsescu
Giocâ cu harauâ, hârsits cu mari vreari
Pi a lor nipoatâ, va u creascâ mari
Costel cu Luminita, gimbushi mari-‘as facâ
Cu Maria-Bianca, tora prota gioacâ
Tragu arada caplu, cu miraki sh-dor
Sh-multu u-au tu vreari, pi nipoata loru.
Cristina cu Mihai, mutrits tsi mushuteatsâ
Nipotsii al Costin, cu-arâsu îmsheatu pi fatsâ
Ti njica Maria, facu bunâ urari
S-aibâ multâ tihi, s-creascâ featâ mari
Gioacâ maia Ora, sh-ari multâ hari
Pi a ei nipoatâ, u ari tu vreari
Cu Maria-n bratsâ, tradzi ninti corlu
Îi multu hârsitâ, sh-aspuni vrearea sh-dorlu
Gioacâ Mihaela, cu a ei Andrei
Preachi ti anami va s-adarâ ei
Lâ urăm mashi ghini, bunâ s-lâ hibâ bana
Cum lâ easti azâ, ashi s-lâ hibâ daima
SoLupci- 23.09.2023