Tu dzuuâ sirinâ di toamnâ, nâ featâ s-amintâ,
Imsheatâ ca steauâ, ca anghilu zuyrâpsitu,
Criscutâ pi pălnji, cu vreari, ayapi sh-mari doru,
Ranya, dzânâ ditu pirmitu…
Refren:
Ranya, di dzuia ta sirinâ
Tsâ dăm pishkesi unu cânticu di doru…
Tsi-aspuni cât ti voru pârintsâi a tăi,
Sh-cât dor, au ti scumpa featâ a-lor…
Di dzuua ta, pârintsâi tsâ ureadzâ,
Bana s-tâ hibâ unu îmsheatu pirmithu,
S-tsânji calea-‘ndreaptâ, s-ai tihi sh-împlinâ s-hii di hări,
Ranya, anghilu hrisusitu…
Shi s-nu agârsheshtsâ, tini featâ bunâ,
Câ vrearea curatâ nu s-aflâ lishor…
Ti-atsea, mana sh tati, azâ, a tsia noi tsâ dăm –
Ininjili a-noasti sh-un cânticu di doru…
Muzica, versuri, instrumente, voci, aranjament, procesare – Sorin Lupci, septembrie 2023
Cu vreari curatâ, ti tinjia a bunlui sotsu, Sorin Calaigi!