Tu soia-al Geavela, armâneascâ farâ
Vini multâ lumi, tu aestâ searâ
Câ s-ansoarâ Spiru, fcioru cu pirifanji
Dit soi di proti, fârshirots ti-amami
S-fatsi tora seara, numtâ armâneascâ
Vini tutâ soia, safí fârshiruteascâ
Spiru al Geavela, cu Elena buna
Îshi giurarâ vreari, sh-bâgarâ câruna
Nunjii gioacâ-arada, numta s-tinjiseascâ
Ditu soia-alu Cutina, soi armâneascâ
Adi sh-Aurora, cu mânâ ambarâ
Preachea-ancurunarâ, tu aestâ searâ
Costa al Geavela, s-fatsi socru mari
Gioacâ cu miraki, sh-mari ihtibari
Fârshirotu di trâmbâ, ditu soi aleaptâ
Multu si hârseashti, ti Spiru sh-a-lui ‘nveastâ
Flori – soacra mari, cu mari harauâ,
Tora tradzi caplu, ninga ‘nveasta noauâ.
Îi multu hârsitâ, ti Spiru – hiilu-a ei
Îi oarâ s-treacâ bana, cu vreari sh-harei
Socrii njits mutrescu pi-ahâtâ mushuteatsâ
Pi a lor Elena cu-arâsu imsheatu pi fatsâ
Ochii-anghilicescu di-ahâta harauâ
Azâ a lor featâ s-fatsi ‘nveastâ noauâ
Câ sh-ari yrambolu, unu frati ma mari
Stelică alu Geavela, tsi lu-ari tu vreari
Gioacâ cu Luiza, msheata a lui ‘nveastâ
Cu mari miraki, preachea s-tinjiseascâ
Câ sh-ari yrambolu, sots cu pirifanji
Fciorii di Pipera, fârshirots ti-anami
Câ-su armânji di trâmbâ, bunji cum nu s-aspuni
Cu a lor sotsu, Geavela, s-mârescu tu lumi
So Lupci – 24.09.2022