Tu soia-lu Pufleanu, s-fatsi ‘msheatâ numtâ
La Stelian sh-la Ana, tsi gimbushi multâ.
Giocâ tutâ soia, mari lâ-i mirakea
S-lâ urăm di ghini, s-lâ bâneadzâ preachea.
Carmen cu Claudiu, suntu nunjii mări,
Oaminji ti anami, armânji împlinji di hări.
Gioacâ cu harauâ, mari lâ-i tinjia,
Îshi mârescu hinjii, ‘msheatâ lâ-i uidia
Socrii mări ti-anami, gioacâ cu harauâ
Lângâ Stelian, sh-Ana ‘nveasta noauâ
Lâ oarâ mashi ghini, bunâ s-aibâ bana
Cum lâ iasti azâ, ashi s-lâ hibâ daima
S-avets banâ ‘msheatâ, vâ oarâ sotsii vruts
La aestâ numtâ, s-adunarâ tuts
S-adarâ gimbushi, pânâ tahina
La Stelian sh-la Ana, câ sh-aspun vrearea
Adră aestu cânticu, Gramostea-alâvdatâ,
Cu mari miraki, ti un fcior sh-nâ featâ.
Vâ urăm di ghini, banâ sh-mushutets
Sh-mashi cu-arâs pi fatsâ, bana s-u tritsets
SoLupci – 03.09.2022