Searâ ti anami, ‘msheatâ isuseari,
Tu taifa alu Misa, tsi gimbushi mari.
Giocâ cu harauâ, mari lâ-i mirakea
Tu aestâ searâ, isusescu preachea.
Răzvan-armânu aleptu, sh-Andra featâ-‘msheatâ,
Azâ s-isusescu, suntu armânji cu njiatâ.
Elu îmsheatu ca soari, ea ‘msheatâ ca steauâ,
Lâ urămu di ghini, sh-la marea harauâ!
Oamiñi ti anami, nuna și-nunlu mari,
S-mârescu cu hiñi’i, la a lor isuseari.
Dit soia-al Pariza, bunâ lâ i numa
Cristi cu Corina, lâ bagâ câruna.
Dona sh-Flori Misa, socri mări cu hari,
Anvârtescu caplu, cu multâ ihtibari.
Câ-su armânji di trâmbâ, bunji cum nu s-aspuni,
Ei cu a lor taifâ, s-mârescu tu lumi.
Adi sh-Nicoleta, socrii njits ti-anami, ,
Cu mari miraki, sh-multâ pirifanji.
Mutrescu pi Andra, a lor featâ bunâ,
Giocâ shi s-hârsescu, doi dipriunâ.
Mutriț-lu pi Ianis, fratili ti hari,
Ti Andra, a lui sorâ, ari vreari mari
Îi ureadzâ ghini, lucri mări s-aspunâ
Cu a ei Răzvan, s-treacâ banâ bunâ
Paplu Nicolae, multu si hârseashti
Cu a lui nipoatâ, multu si mâreashti
Cornelia, maia, inima îi creashti
Câ a ei nipoatâ, azâ s-isuseashti
Teodora, teta, lângâ Andra gioacâ
La ‘msheata harauâ, gimbushi si facâ
Cu Traian al Mociu, lali-a ei ti hari
Corlu treii dipli, tsi gimbushi mari
Tini, a mea featâ, di tuti s-ai, s-hii ghini
Tora seara tata, nu easti cu tini
Ma s-mutreshtsâ- analtu, nâ steauâ anghiliceashti
Easti tati Nicky, di-analtu ti mutreashti
SoLupci – 01.07.2022