Searâ mâyipsitâ, numtâ ditu pirmithi,
Cu armânji di protsyii, tuti s-hrisusiti.
Tu soia alu Șacu, s-fatsi aradâ ‘msheatâ,
Cu ‘nveastâ ca steauâ, sh-yrambo cu multâ njiatâ.
Tu aestâ searâ, vrearea vor sh-aspunâ,
George ‘msheatu ca soari, sh-Tania ca lunâ.
Mari mushuteatsâ, multu lâ undzeashti,
Candu-i vedz arada, geanlu-anghiliceashti.
Nunji ditu soia-alu Sponte lâ bâgarâ câruna,
Nunlu easti Doru sh-Aurelia nuna.
Va lâ veaghi bana, cu iyuri bunâ,
S-aibâ multâ-ayapi, vrearea ta sh-aspunâ.
Lena sh-Lică Shacu, socri mări ti-anami,
Armânji di soi-aleaptâ, cu mari pirifanji.
Gioacâ shi s-hârsescu, lângâ a loru fcioru,
Sh-multu u-au tu vreari, Tania ‘nveasta-a loru.
Aura cu Lică, socrii njits mutrescu,
Pi Tania lor scumpâ, sh-multu si mârescu.
Ochii-anghilicescu, di-ahâta harauâ,
Azâ a lor featâ, s-fatsi ‘nveastâ noauâ.
Gioacâ Cătălina, alu George sorâ bunâ,
Cu Vali arada, sh-cu hlambura tu mânâ.
Tragu arada caplu, cu miraki sh-dor,
Sh-multu si mârescu cu Mark, ficiorlu-a lor.
Lali Mihai lâ oarâ, cu Elena teta,
Multâ-ayapi sh-vreari, ashi s-u treacâ eta.
Lali Mihali lâ dzâtsi, banâ sh-sânâtati,
Câ-i alu socru mari, atselu ditu mesi frati.
Tania ma sh-ari, unu frati ti hari,
Cum tu armânami, nu-ari altu-ahtari.
Dumi tradzi caplu, cu vreari aleaptâ,
Câ sora lui bunâ, azâ s-fatsi ‘nveastâ.
Mitică sh-Sia Șacu, sh-au mari harauâ,
Câ a lor nipoatâ, s-fatsi ‘veastâ noauâ.
Gioacâ lali Mita, cu multâ ihtibari,
Câ-i al socru frati, fratili ma mari.
Yoryi sh-Lili Pețu, tsi lâlâñi aleptsâ,
Trag arada caplu, miraki sâ-i mutreshtsâ.
Eu lâ voru mashi ghini, banâ ditu pirmiti,
S-aibâ mari vreari, sh-isi hrisusiti.
Adră aestu cânticu, Gramostea-alâvdatâ,
Cu mari miraki, ti un fcior sh-nâ featâ.
Vâ ureadzâ ghini, s-vâ bânats pirmitlu,
Deadun cu-a lui parei, Tommi Caramitru!
SoLupci 11.09.2021