Dusirâ, maia sh-nipoata
Tâshi tu muntsâ, si priveadâ.
Sh-loarâ calea tu-apiritâ,
Tsintsi dzâli aclo ta s-sheadâ…
Sh-ari maia multâ splahnâ,
Tuti ohturli s-li-alinâ.
Ma tsi s-facâ cu nipoata?
Câ nu va fârâ-aftukinâ…
Îi tâxi paradz cu suti,
S-dipunâ di pi crivati…
Ta s-u-alasâ tilifonea,
S-imnâ sh-ea ‘nheamâ pirpadi…
– Ghini dzâts tini, lea maie,
Ma io shedu sh-mi minduiescu…
Câ nj-am unâ zori mari,
Ahâtu curu, cum sâ-lu ursescu?..
“Curlu? Usturlu s-lu-adunâ,
Hai, ia-ts nâ cunetâ di-apâ!”
…Sh-lo s-alinâ shi s-dipunâ…
Nu v-aspushu câ-i multu sarpâ!..
Hirisi trâoarâ curlu
Di la-ahâta alinari…
Ma va s-toarnâ iara-acasâ
Sh-curlu iara-as creascâ mari! 😆😆😆