Searâ ti harauâ, numtâ armâneascâ
Vini tutâ soia, safi fârshiruteascâ
Multu si hârsescu ti preachea musheata,
La Mihai shi-Roxana, bunâ s-lâ hibâ njiata.
Refren
Tinirii s-bâneadzâ, cu multâ tinjii
Ti Mihai shi-Roxana, aleaptâ isihii
Lâ oarâ pârintsâi, sotsii shi-soia tutâ
Nidipisitâ vreari, s-aibâ-ayapi multâ
Ditu marea soi-alu Fotu, nunjiii suntu-aoa
Cu vreari-ancurunarâ, Răzvan shi-Victoria
Lâ oarâ banâ ‘mşeatâ şi-i vor pânâ la steali
Pi dzeaditu lâ bâgarâ, di numtâ-msheati neali.
Tradzi caplu Giorgio, nunlu njic cu vreari
La tiniri elu lâ oarâ s-aibâ-ayapi mari
Câ-i îmşeatâ-i preachea şi-‘mşeatâ lâ-i bana
Cum lâ iasti azâ, aşi s-lâ hibâ daima
Elena soacra mari, împlinâ-i di harauâ
Ti Mihai s-hârseashti shi-ti-a lui înveastâ noauâ
Din dzeanâ di la steali, socrul Florin ti daima
Va lâ hibâ cândila, tsi lunjineadzâ bana.
Mirela, soacra ñicâ, mana-atsea durutâ
Tradzi caplu-arada di feata ei vrutâ
Şi-George, njiclu socru, cu vreari u mutreaşti
Feata lui s-mâritâ şi-inima îi creaşti
Hârseashti ginericâ taifa lui cu hări
Pi George shi-Mariana, fratsii-a lui ma mări
Pi cumnata Diana shi-cumnatlu Mitel
Tuts gioacâ la numtă shi-s hărsescu ti el.
So Lupci – 12.07.2019