Mâipsitâ, searâ-‘msheatâ
La Cutsumishu, soi aleaptâ
S-giucãm câ ‘msheatâ nâ-i bana
Ti Ecaterina-Ana
Jiru, mileti-armâneascâ
Nunjii inu s-u vluiseascâ
S-i-aibâ angâtan tinjia
Coste nunlu shi-nuna Sia
Pârintsâi cu mari ayapi
‘I oarâ vreari shi-sânâtati
Câ suntu armânji ti hari
Ochii lâ arâdu di vreari
Cu mari arâsu pi fatsâ
Gioacâ cu nipoata-n bratsâ
U voru ca-a ochiloru lunjina
Pap’ Costa shi-maia Florina
Pap’ Costel multu s-hâraseashti
Cu maia Cati s-mâreashti
S-veadâ azâ tutu laolu
Tsi lâ pitricu Hristolu
Bobo Gache-armânlu greashti
Muzica cumândâseashti
Câ shi-ari mari sutsatâ
Cu Gramustea alâvdatâ
Aisitâ pâtigiuni
Urãmu iaramati buni
Ana ta s-nâ creascâ mari
Cu tinjii sh-multâ vreari
So Lupci – 10.05.2019