Şi-adarâ pâtigiunea, nâ numâ multu-aleaptâ,
Di Dumnidză pişchesi, ti-al Vecu soi ‘mşeatâ.
Ñiclu Patrick George, armâneascâ fidani,
El iasti fluria-al tati şi-ali mani.
Pârințâi Adina şi-Alex cu tiñii,
Nâ grirâ tora seara s-videm a lor flurii.
Sâ-l hârsim pi George cu miraki multâ,
Tutâ soia s-gioacâ şi Gramustea s-nâ cântâ.
Nuñi cu mari-anami gioacâ noaptea tutâ,
Pi George-l criştinarâ cu ağapi multâ.
Costa cu Andreea, armâñi cu ihtibari,
Dit marea soi-al Paciu, cum nu-ari altâ-ahtari.
Buna maia Carmen, multu si hârseaşti,
Cu nipotlu George, inima îi creaşti.
Şi paplu Gigi gioacâ cu nipotlu-n brațâ,
Iasti ‘mplin di vreari, şi-cu-arâsulu pi fațâ.
Pap’ George şi-maia Flori gioacâ şi s-dirinâ,
Câ îl vor nipotlu, ca pi-a ochilor luñinâ.
Ei trag corlu-arada, s-mârescu tu laó,
S-lâ creascâ nipotlu şi-sâ-l veadâ ğrambo.
So Lupci 11.10.2018