Ascultaț armâñi cu hari,
S-vâ dzâcu un pirmitu di vreari.
Oamiñi buñi, di soi-‘mşeatâ,
Azâ-adarâ numtâ-aleaptâ.
R:
Vruț armâñi, giucaț în cor,
S-tiñisim ağapea lor.
George soari-Andreea lunâ,
Vreari, dor şi-iğuri bunâ.
Vinirâ cu tihi bunâ
S-lâ bagâ-a hiñi’lor cârunâ
Nuñi’i Anca şi-cu Bogdan,
S-lâ aibâ bana-angâtan.
Mirela şi-Mitică Zdralea,
Socrii mări îşi cântâ vrearea.
Cu miraki şi-mari dor,
Lângâ doi’i fciori’i-a lor.
Socrii ñiț poartâ tiñia,
Mihai Teja şi-Melania.
A lor featâ hâidipsitâ,
Azâ cu George s-mâritâ.
Lângâ sora ‘nveastâ noauâ
Gioacâ Michelle cu harauâ
Cu suflitlu ‘mplin di vreari,
Câ u va pânâ la steali.
Mikey fratili cu ñiatâ
La al George numtâ ‘mşeatâ
Tradzi caplu şi-tut mutreaşti
Dupu vârâ-armânâ featâ
El va-s-inâ tu-Armânii
Şi-aflâ featâ pi uidii.
George-ascultâ, tini fcioru,
Di la fentu, mari zboru:
– Angâtan di-a-ta armânâ,
Ma-s vrei s-ai nâ banâ bunâ!
“If you have a happy wife,
You will have a happy life!”
Tiñisite socru mari,
A tăi fciori ti au tu vreari.
Va-s toarnâ tu-America,
Şi unâ barcâ va țâ ia.
George, soțlu-a nostu bun,
La numtâ vinim de-adun.
Cântâ Gramustea-alâvdatâ,
Câ nâ-avem mari suțatâ.
Sorin Lupci – 15.08.2018