Canu nu mi știi di iu iau iruși,
Intru pi geami, ies pi sum uși,
Trecu pit udadz di tiniri-aleapti,
Hârsescu-a-lor peru tu mesi di noapti.
Batu munțâ și-văiuri, pit poñi și-pit lilici,
Lâ portu ñiurizma a pâdurilor prici,
Apa dit locu u-aducu la nioru,
Și-frândzali toamna hârsescu cu doru.
Și-candu turbatu mi-ascolu tahinărli,
Achimata mutu și-li mintescu-amărli.
Hiu frati cu ploaia și-cu furtuna greauâ,
Di mini s-adarâ nâvăiuri de neauâ.
Ag̃alea mi portu pi maluri di-amari,
Și-vedu vruț ți s-astringu tu-ambârțâtari,
Mi dânâsescu s-mi ciuciuru cu luna.
Hiu unâ cu vrearea, VIMTU ñi-u numa…
Sorin Lupci 9.10.2015