Armaname, un pirmit s-v’aspun
Di livendul Hroniss, gioni-armân
Campion ti hari, ca aslan
Ți gioacâ fotbal american
Tiñisit cu hări și ‘mplin di doarâ
Protlu-armân tu Liga Naționalâ
Refren:
Hroniss Grassu-armân ti hari
La Chicago Bears ti-anami!
Dumnidzălu-i deadi loclu
Pitu armaneșțâ icoani
S-grimu armañi’i t-unâ boați
Grasu, Halep, Gica Hagi
Ași-i fu tâxit, ca s-aibâ hări’
Numa lui langâ-alti numi mări’
La Chicago Bears îi grirâ ‘ntr-oarâ
Di la Oregon dit scoalâ
S-avdâ numa-al Grassu lumea tutâ
Miletea-armaneascâ s-mutâ
Hroniss Grasu, protu’ di-armâñi’i gioñi
Isa cu a noșțâ campioñi
Lângâ Gica Hagi, om ti-anami
Cu suflitu durutu ti armânami
Și-tiñisitâ, ‘mșeatâ cum îi luna
Simona Halep armâna
Pârințâi lăi gione ti hârsescu
Cu tini tu lumi ei s-mârescu
Fratili și-fumeaia ti vor ghini
Ei ti urnipsescu-ași pi tini
Țâ oarâ bana’ s-țâ hibâ bunâ
Și s-l’aduț in casâ ‘nveasta-armânâ
Sorin Lupci 29.06.2016