1. Cânticu ti-anami, dado
Pirmithu di doru
Ti unâ featâ dado,
Featâ sh-un fcioru
2. Am mari vreari, dado,
Dor nicurmatu
Ti a meu gioni, dado,
Armânu curatu
3. Multu-nji mi ardi, dado,
Dorlu ti ea
Ta s-fugu tu lumi, dado,
Cu vruta mea
4. Fronimâ-ashteptu, dado,
La dzuua-atsea
S-inâ la mini, dado,
S-i-aspunu vrearea
5. Fâr’ di mârtii, dado
Sh-fâr’ di-anvirin
Tu lumea mari, dado,
Doii s-fudzim
6. Pirmithlu-a nostu, dado,
S-armânâ-ascrisu
Shi s-nâ bânămu, lea dado,
Bana dit isu
7. Pirmithlu-a nostu, dado,
Fâr’ di cripări
Sâ-lu cântâ daima, dado
Feati shi ‘fciori
8. Ti-a noastâ-ayapi, dado
Doii s-nâ lomu, dado
Sh-cu isihii, dado,
Banâ s-bânăm
So Lupci – 09.02.2022