Înji mi-aduc di-anvârliga
‘Dutseri di-aminti, iara
Nâpoi mi toarnâ dorlu
În hoarâ Hagilarea.
Nâpoi tu ficiurami
Dininti io mi vedu
Cu a mei sots dit hoarâ
Njiu dor ta s-mi privedu.
Iu hits voi sotsii-a mei
Pit lumi arâspânditsâ
Cu mini canâoarâ
De-adun tuts nu va s-hits.
Iu hits, voi feati îmsheati
Cusitsâ ampiltiti
Nu-a vâ vedu canâoarâ
Deadun iara s-hits tuti.
Iu hits maie sh-pâpânji
Tsi-n bratsâ nâ crishteatsâ
Alghirâ a voasti oasi
Sub lilici sh`virdeatsâ.
Tru an noi unâ oarâ
Hrista vâ da hâbari
S-n-adnăm la-a noastâ numâ
Tsi-i hoara “Hagilari”.
Hrista Lupci