Nj-amãnashi lãi vrute, nj-amãnashi,
Inima vrute, nj-afãrmãcashi.
– Ascãpaiu lea vrutã di laiili fãrmatsi,
Io va zinu-n hoarã, vruta mea di Pashti.
Mi-arãseshi lãi vrute, mi-arãseshi,
Nu vinishi ãn hoarã, cum dzãseshi.
– Va nj-alasu cutarlu, vrutã-sh-oili tora,
Ãn hoarã va zinu vrutã di Yini Cola.
Mi-agãrshishi lãi vrute, mi-agãrshishi,
Ni ti Yini Cola-n-hoarã nu vinishi.
– La oi nj-alãsaiu pi sotslu naima bunu,
Sh-o va sinu-n-hoarã, vrutã ti Cãrciunu.
Ghin-vinishi lãi vrute, ghin-vinishi,
Inima lãi vrute ã-nj hãrsishi.
– Ascãpaiu lea vrutã di laili fãrmatsi,
Io va zinu-n hoarã, vruta mea ti Pashti.