Mutrea feata casa tuta
U andreapsim ti a ta numta
Ca suratili adasta
S tza badz fustanea di nveasta
Di alargu avdzam iholu
Ca fartatzii andreg grambolu
Nunlu cu miraki mari
Adara adetea di surseari
Pisti per bagatz caruna
Tzerlu s tza da grama buna
S ti andredz cu dor s cu miraki
Cuscarjii in pi sucachi
Iesi lea feata mea tu ushii
Truplu imshat di landarushi
S adari crucea lea fidana
Cu mutrita câtâ n dzeana
Pârintzâi s tza da bluhii
S lâ bash mana cu tinjii
Dit ubor s iesi cu harau
Că tzâ hi înveasta noau
Pâlcarsea lea dumnidzalu
S hiba imshat adza chirolu
S ai agapi s i harsita
Pi calea tzi ai anchisita
Iesi tu ushi ca icoana
S ai ti daima dultzi bana
Pisti prag s tza tretz aleapta
Cuscarjii di ninti asteapta
Tz alash casa i ai criscuta
Sh tutz tza oara tihi multa
Cu al tau gione tzi ai di ninti
S tza tretz bana dit pirmiti