Mea, vini oara s-ti marits
Shi fortuma s-tsa iai,
Tu casa xeana, va-ñi ti duts
La gionli-atselu tsi-l vreai.
Refren: Du-ñi-ti oara buna
Du-ñi-ti la casa ta
Pi tuts sa-i tiñiseshtsa
S-hii vruta, hillia mea.
Cuscarlli vinira sa-ñi ti ia,
Nu shedz pi minduiari,
Du-ñi-ti, lea hillie, la casa ta
S-n-ascots pi ihtibari.
Mea, fa-ñi-tsa crutsea sh-anchisea,
Nu sedz parampusita,
Mea, Dumnidza palacarsea
S-ts-agiuta bana tuta.
Ia-ts oara buna sh-anchisea
Pi cali luninata,
S-nu fats di-arshini soia ta
Zilipsita sh-alavdata.