1. Iara nâ featâ ‘msheatâ, di-arhondzâ armânji
Împlinâ di flurii, sh-di biligits pi mânji
Sh-eara sh-un tinir, eara sh-un tinir picurar
Cu ochii lăi di-amurâ sh-cu trup di liundar
El pi featâ u vrea, sh-un cântic tut cânta…
R:
Înji mi mâipsishi, lea feată, cu njiatili a-tali
Pâlcârsescu tserlu sâ-nji ti-aducâ iara-n cali
Ochii a-mei sh-avurâ tihea di vidzurâ nâ steauâ
Ma io hiu picuraru, sh-tini arhondâ kirauâ…
2. Tu unâ dzuuâ, pi cali el u-andâmâsi
Îi deadi “bunâ dzuua” sh-feata arshunatâ ‘l-mutri
“Bunâ s-tsâ hibâ”, gri boatsea ei, apreasâ di dor
Ma cându u lo di mânâ, ea sh-u trapsi lishor
Sh-cum u vidzu câ fudzi, cânticlu iara-ahurhi….
3. S-avdzâ câ multsâ fciori, di-‘nveastâ u câfta
Ma ea s-anchidea tu udă, sh-pi can di ei nu-l vrea
Ah, cât di ‘msheatu îi picurarlu di la oi
Nu easti hiljiu di celnicu, ma io pi elu îl voi
Sh-nâ dzuuâ tu a-ei uboru, s-avdzâ un cântic di doru
R:
Înji mi mâipsishi, lea feată, cu njiatili a-tali
Îi haristusescu a-tserlui câ nj-ti-ascoasi ‘n-cali
Ochii a-mei sh-avurâ tihea di vidzurâ nâ steauâ
Tora hiu vrutlu a-tău, sh-tini a-mea vrutâ kirauâ…
Sirma Gucci 2024