S-dusi feata la fântânâ
Cu doauli poaci ‘ntru mânâ
Cum s-dutsea u-astai-n cali
Gionli cu-ochii ‘mplinjindi jeali
Gionli-i dzâsi, featâ-armânâ
Ti vidzui însus, la stânâ
Cu doauli poaci ‘ntru-mânâ
Albâ ‘msheatâ, has cadânâ
Gioni-armân tsi hii ti-anami
Tini steaua-ali giunami
Cara ‘hântoa tsâ loaiu hari
Ma s-mi vrei înveastâ, ia-mi
Featã, doii va nâ lomu
Preachi doii va n-adrãmu
Ts-ai vinetica flurii
Shi-io îmsheata mea cupii